Нийтийн зорчигч тээврийн үйлчилгээний үндсэн чиглэлийн 26-р маршрутыг энэ онд Их наран хүртэл явдаг болгосон. Харин одоо тус чиглэлийг Улаанчулуут хүртэл 1,7 км сунгаж, “Улаанчулуут-Их наран-МУИС” чиглэл болгон өөрчлөх шийдвэрийг Нийтийн тээврийн газраас гаргажээ. 

Сонгинохайрхан дүүргийн гуравдугаар хорооны нутагт харьяалагдах Их нарангийн эцсийн буудлаас цааш Улаанчулуутын хогийн цэг хүртэл засмал зам тавигдсан билээ. Иймд иргэдийн суурьшилт, зорчин явах эрэлт хэрэгцээг үндэслэн ийнхүү том оврын автобусны үйлчилгээ үзүүлэхээр болсон байна.