Коби 90 сая ам.доллараар үнэлэгдэх гурван жилийн хугацаатай гэрээнд үзэглэв | News.MN

Коби 90 сая ам.доллараар үнэлэгдэх гурван жилийн хугацаатай гэрээнд үзэглэв

Хуучирсан мэдээ: 2010.04.04-нд нийтлэгдсэн

Коби 90 сая ам.доллараар үнэлэгдэх гурван жилийн хугацаатай гэрээнд үзэглэв

NBA-ын супер оддын нэг Коби Брайнт “ЛА Лейкерс”-тэй гэрээгээ байгуулсан гэрээгээ шинэчилж, өнгөрөгч баасан гаригт гэрээнд үзэглэжээ. Шинэ гэрээ ирэх улирлын төгсгөлөөс эхлэн хүчин төгөлдөр болох ба гурван жилийн хугацаатай, 90 сая ам.доллараар үнэлэгдэх гэнэ. Ингэснээр Коби Брайнт 2013-14 оны улирлыг дуустал “ЛА Лейкерс”-ийн бүрэлдэхүүнд байх юм. Тэрбээр энэ улиралд “Лейкерс”-ээс 23 сая ам.долларын цалин авах ба харин ирэх улиралд түүний цалин 24.8  саяд хүрэх ажээ. “Лейкерс” 106:92 харьцаагаар “Юта Жазз”-ыг буулган авсны дараа Коби “Аливаа тоглогч бүхий л карьерынхаа туршид нэг багт тоглоно гэдэг маш ховор тохиолдол. Тиймээс би үнэхээр сэтгэл хангалуун байгаа” гэжээ. Шинэчилсэн гэрээний дагуу Коби 2011-12 оны улиралд 27.4 сая, дараагийн жилд нь 30.2 сая, харин гэрээний сүүлийн жилд 32 сая ам.долларын цалин авах гэнэ. Харин тэр үед Коби Брайнт 35 настай байх юм. Энэ гэрээ эцсийнх үү гэсэн сэтгүүлчийн асуултад тэрбээр “Би эргэлзэж байна. Гэхдээ юмыг яаж мэдэх вэ, магадгүй л юм” хэмээн хариулжээ.

Харин “ЛА Лейкерс”-ийн тухайд урдаа барьдаг хоёр тоглогчоо юутай ч гартаа оруулж авлаа. Тэд Брайнтаас гадна төвийн тоглогч По Газольтой мөн гэрээгээ сунгасан билээ. Газоль өнгөрөгч арванхоёрдугаар сард гурван жилийн хугацаатай гэрээнд гарын үсэг зурсан юм. Тэрбээр энэ улиралд 16.5 сая, ирэх улиралд 17.8 сая ам.долларын цалин авах ба харин шинэ гэрээний 2013-14 оны улирал дуустал жил бүр 20 сая ам.долларын цалинтай “Лейкерс”-т тоглох ажээ.

Коби Брайнт энэ улиралд нэг тоглолтод дунджаар 27.2 оноо, 5.3 удаагийн самбараас бөмбөг авалт, 5.1 удаагийн оновчтой дамжуулалт гүйцэтгэж байгаа юм. Тэрбээр өнгөрсөн хугацаанд “Лейкерс”-ийн хамт дөрвөн удаа NBA-ын аваргын цом хүртсэн билээ. Түүний шинэ гэрээний талаар дасгалжуулагч Фил Жэксон “Би Кобиг зөвшөөрнө гэдгийг гадарлаж байсан. Энэ нь түүний хувьд ч, багийн хувьд ч ашигтай, зөв сонголт учраас” гэжээ. Гэхдээ Фил Жэксон өөрөө энэ улирлын тоглолтууд дуусгаад их спортоос өрх тусгаарлах бодолтой байгаа юм. Тэрбээр ирэх есдүгээр сард 65 насны ойн баяраа тэмдэглэхийн сацуу дасгалжуулагчийн ажлаа орхиж, зодог тайлах ёслолоо давхар хийхээр төлөвлөж байгаа гэнэ.

С.Цэлмэг

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

black mamba 2010-04-04 182.160.55.76

odoo veiin nba d kobe g zogsooh toglogch bhgvi baguudiin dasgaljuulagch toglogch nariin shvdnii ovchin shvde ho kobe 40 hvrtle nba d bosoo bn oo

Avatar

muugii 2010-04-04 182.160.10.51

ene zaluu yaltchgvi aguu toglogch hen ch margahgvi bvx tsag veiin nomer1 toglogch gej boddog vneheer aguu hvn

Avatar

kb24 2010-04-04 182.160.30.202

bi ene zaluu d uneheer ih hairtai iluu sain toglono lebron eade nar guitsehgui shuu

Avatar

tsedevdorj 2010-04-04 182.160.43.87

bi ene zaluud hairtai iluu ikh bagt heregt togloltiig jil ireh tusam uzuulne gj itgej bn

Avatar

hmm 2010-04-04 203.106.63.251

nbacom deer phil lakers-t ergeed ireh bodoltoi bgaa talaar bichsen bsan lal td salary cap-aa yaj zohitsuulah gej bgaan boldoo sonin l yum

Avatar

Үнэгүй үйлчилгээ 2010-04-04 202.179.13.62

www UNEGUI mn ард түмэндээ зориулсан үнэгүй үйлчилгээ

Avatar

Зочин 2010-04-04 202.126.91.79

Айл албан байгууллага office нүүлгэх үйлчилгээ үзүүлнэ Тавилга эд хогшил дуудлагаар салгаж угсарна Нүүлгэлт service Утас 99802733

NewsMN Гар утасны хувилбар Татах
NEWS.mn

Мэдээллийн эх сурвалж