Нийслэлийн иргэдийн төлөөлөгч­дийн хурлын төлөөлөгчид УИХ-аас ба­талсан,
өөрсдийн чамлан хүлээж авсан нийслэлийн ирэх оны төсвийг хэрхэн, юунд
зарцуулахаа хэлэлцэж, баталлаа. Нийслэлд ирэх онд 700 орчим тэрбум
төгрөгийн хөрөнгө оруу­лалт шаардлагатай гэдгийг нийс­лэлийн Засаг дарга
Г.Мөнхбаяр өнгөр­сөн долоо хоногийн баасан гарагт болсон НИТ-ийн
зургадугаар хур­алдааны үеэр хэлсэн юм. Ирэх онд нийс­лэлээс улсын
төсөвт төвлө­рүүлэх төсвийн хэмжээг 26.7 тэрбум төгрөгөөр баталсан.
Харин тулгамдсан асуудлаа шийдэхэд нь 79 тэрбум төгрөгийг улсын төсвөөс
олгохоор болсон юм. Нийслэлийн Засаг дарга болон холбогдох албаны хүмүүс
нь уг мөнгөөр Улаанбаатарын тул­гамд­сан асуудлыг шийдвэрлэхэд бай­гаа
боломжоо дайчлан ажиллана гэдгээ хурлын үеэр хэлж байлаа. Нийс­лэлийн
төсвийг ирэх онд хэрхэн зар­цуулахаар болсныг тоймлон хүргэе.

Нийслэлчүүдийн толгойны өвчин болсон утааг бууруулахад төсвийн мөнгөнөөс
20 тэрбумыг зарцуулах шийд­вэрийг энэ үеэр гаргасан. Харин нийслэлийн
есөн дүүргийн Засаг дарга нар ирэх онд тус бүр нэг тэрбум төгрөг
зарцуулах эрхтэй боллоо. Засаг дарга нар уг мөнгийг хөрөнгө оруулалт,
хот тохижилт, ногоон байгууламжид зарцуулах аж. Түүнчлэн гэмт хэргээс
урьдчилан сэргийлэх зорилгоор дохиоллын систем, гудамжны хянал­тыг
байршуулахад 400 сая төгрөгийг зарцуулна. Мөн хүнсний лаборатори
байгуулахад 250 сая төгрөг төсөвлөсөн байна. Эд­гээрээс гадна авто замын
засвар, шинэчлэлтийн ажлыг ирэх онд үргэлжлэн хийх юм. Энэ долоо
хоногоос эхлэн дүүргүүд нэг тэрбум төг­рөгөө хэрхэн зарцуулахаа
ИТХ-аараа хэлэлцэх ажээ.

Т.УРАНГЭРЭЛ