Долдугаар сарын 1-ний үймээний үеэр амь үрэгдсэн таван хүнд холбогдох хэргийг талийгаачдын ар гэрийнхний гомдлоор сэргээн шалгаж байгаа. Долдугаар сарын 1-ний өдөр үүрэг гүйцэтгэхээр авто машины цуваанд явж байсан Эргүүл хамгаалалтын газрын эмчийг сэжигтнээр татжээ. Учир нь үймээний үеэр буудуулсан,  гэмтэж бэртсэн хүмүүст анхан шатны тусламж ч үзүүлээгүй гэх мэдээлэл бий. Мөн уг хэрэгт холбогдсон цагдаагийн албан тушаалтнуудыг өршөөлийн хуульд хамруулсан, үүрэг гүйцэтгэсэн цагдаа нарын хэргийг бүрэлдэхүүнгүй  гэсэн нь үндэслэлгүй  хэмээн Улсын Ерөнхий Прокурор Д.Дорлигжав үзэж байгаа юм.