Үндэсний зөвлөлдөх хо­роо­ны хурлаа нам гүмхэн хийж, нам дотроо эв нэг­дэлтэй байгаа гэх өнгөцхөн дүгнэлтээр маргаанаа хал­халсан Ардчилсан намыхны улс төр ирэх оноос бүр ширүүсэх гэнэ.

Тэрхүү улс төрийн гол бай нь  намын дарга, Тэргүүн ша­дар сайд Н.Алтанхуяг байх бө­гөөд түүнийг огцруулахын төлөө залуу гишүүд тун удахгүй тэмцлээ эхлэх болол­той. Тэдний тэргүүн эгнээнд зогсч буй Ээлжит бус их хурлын төлөөх хөдөлгөөний залуусын тухайд удирдан чиг­лүүлэгч нь З.Энхболд гишүүн аж. Түүнчлэн өөрсдийгөө либераль үзэлтнүүд хэмээн тунхаглаж буй залуусын дунд ч З.Энхболд гишүүнтэй ойр ажиллаж байсан залуус байгаа юм.

Гол нь тэдгээр сөрөг санал­тай залуусын хувьд энгийн нэг улс төрийн эсэргүүцэл бус ирэх оны нэг­дүгээр сараас эхэлж Н.Алтанхуяг даргыг огцор­тол өлсгөлөн зарлана гэж мэдэгдсэн нь тус намын доторхи хагарал эвлэрлээр бус эрчимтэй тэмцлээр үргэлжилнэ гэд­гийг нотолж буй. Мөн ирэх хоёр­дугаар сард болох Үндэсний зөвлөлдөх хорооны хурлаар З.Энхболд гишүүн бодол, зорилгоо хэвээр байгаа гэдгийг нотлохын зэрэгцээ Ардчилсан хүчний холбооны үйл ажиллагаа ч улам эрчимжих сурагтай.