Цагдаагийнхан амиа золиослогч эмэгтэйчүүдийн хамтрагч нарын байрыг олсон байна.  Хүчний байгууллагын эх сурвалж энэ тухай “Интерфакс”  агентлагад мэдээлжээ. Хамовникийн ддргийн нэгэн байранд тэсрэх төхөөрөмжүүдийг угсарсан гэнэ. Хамовникийн район нь Москвагийн тойргийн тав захиргаанд хамрагддаг аж. Тэсрэх төхөөрөмийг урьдчилан авчраад амиа золиослогч нарын хамсаатнуудын нэг угсарч бэлэн болгосон байна. Эх сурвалжийн мэдээлснээр тэсрэх төхөөрөмжийг амиа золиослогч нарт "Воробьевы горы" станцад дамжуулан өгсөний дараа хамсаатнууд нь тэднийг дагалдан яваад дэлбэлэх дохиог өгсөн ажээ. Хамсаатнууд нь тэр байранд дэлбэрэлтийн дараа хэсэгхугацаанд байгаад алга болсон байна. Тэр эрэгтэйчүүдийн  хаягийг тогтоосон ба эрэл зарласан байна. Өмнө мэдэгдснээр амиа золиослогч нарыг хоёр эмэгтэй, нэг эрэгтэй дагалдан “Юго-западная” станцад орж ирсэнийг ажиглалтын камерт бичигдсэн байжээ.  Метроны аллагаар амь үрэгдэгсэдийн тоо нэгээр нэмэгдэн 40 хүн болсон байна. Холбооны зөвлөлийн спикер Сергей Миронов, Төрийн думын дарга Борис Грызлов хоёр Оросын зарим хэвлэл мэдээлэл тухайлбал, Ведомости ба Московский комсомолец сонинуудыг Доку Умаровын мэдэгдэлтэй “нэгэн  шүсэнд чанагдсан” гэж буруутгасан байна. Ерөнхийлөгч Дмитрий Медведев сэтгүүлчдэд хандан террористуудыг “шахид” гэж нэрлэхгүй байхыг санууллаа. Ерөнхийлөгч “шөл чанасан ч бай, хувцасыг нь угаасан ч бай” террористуудад тусласан тусламж бүрийг эрүүгийн шийтгэлтэй болгох хэрэгтэй гэсэн байна. Медведевыг дэмжин “Шахид гэдэг нь исламд бол баатар гэсэн үгийг манай мусальман ертөнц мэддэггүй” гэж Либерал ардчилсан намын лидер Владимир Жириновский анхааруулжээ.