Нийслэлийн хэмжээнд 50 мянга гаруй бохирын болон цэвэр усны траншейн бий. Үүнээс 37 хувь нь нийслэлийн өмч  бөгөөд 30 мянга гаруй нь хувийн хэвшлийн аж ахуй нэгж иргэд хариуцдаг байна.  Судалгаагаар 275 гаруй нь  стандартын бус, огт  таггүй байгаа аж. Нийслэлийн Засаг даргын энэ сарын зургааны шуурхай зөвөлгөөнөөр мөн сарын15-ны дотор нийслэлийн хэмжээнд  таггүй траншейныг тагтай болгох үүрэг өгсөн.  Энэ ажлын явцын талаар Улаанбаатар хотын Захирагчийн ажлын албаны  Инженжерийн байгууламжийн хэлтсийн дарга Л.Алтангэрлээс тодруулсан юм.

-Энэ ажлыг энэ сарын 15-ны дотор дуусгах үүрэг өгсөн.  21-нд ажлын үр дүнг танилцуулах ёстой байсан?

-Өчигдөр шуурхай зөвөл­гөөнөөр ажлын биелэлтийн яв­цыг танилцуулсан. Ганцхан манайх дангаараа хийж дуусгах ажил бишээ. Нийслэлийн хэм­жээнд бидний судалсанаар 275 орчим стандартын тагтай болон таггүй траншейн байдаг. Мөн Улаанбаатар хотын ерөн­хий  менежер  “Иргэд, аж ахуй нэгж, төр хувийн хэвшлийн бүх байгууллага өөрсдийн бо­хир болон цэвэр усны худаг,  траншейныг тагтай болгох” үүргийг дагаж мөрдөх албан даал­га­вар гаргасан. Энэ даал­гаварын дагуу дүүрэг,  албан байгууллага аж ахуй нэгжид шаардлагыг хүргүүлээд байна.  Гэтэл зарим сургууль, цэцэрлэг, аж ахуй нэгж байгууллага өг­сөн шаардлагыг хугацаанд нь биелүүлэхгүй байна.

-Ямар байгууллага вэ. Ер  нь нийслэлийн тран­шейн худгийг хэн хариуцах ёс­той байдаг юм бэ?

-Баянзүрх дүүргийн офице­рүү­дийн ордонд  байрлах Ши­нж­­­л­эх ухаан академийн эр­­гэн тойрон байрлах бүх тран­­­­шей­ныг таглах бичгийг удаа дараалан шаардлага хүр­­гүүл­­сэн ч одоо болтол бие­лүү­­лээгүй. Мөн их сур­гуу­лиу­дын эргэн тойрон, оюутны хот­хонуудын тагийг таглах шаард­лагыг хүргүүлсэн ч одоогоор тодорхой хариу өгөөгүй байна. Эр­чим хүчний тухай хуулийн 30 дугаар зүйлд “техникийн ашиг­лалтын аюулгүй ажил­ла­гааны дүрмийг ту­хайн хэ­рэг­лэгч өөрөө мөр­дөх” мөн хуулийн 1.8-д “өөрийн эзэмш­лийн шугам сүлжээ, тоног төхөөрөмжийн бүрэн бү­тэн аюулгүй байдал, засвар үйл­чилгээ, баталгаажуулалтыг бү­рэн хариуцах” гэсэн заалт бай­даг. Тиймээс тухайн эзэм­шиж байгаа аж ахуй нэгж нь хариуц­на. Тиймээс хүний амь эрсдэж бэр­тэхээс сэргийлж энэ арга хэмжээг авч байгаа учраас аж ахуй нэгж байгууллага хамтран ажиллах хэрэгтэй бай­на. 

-Тухайн байгууллагуудад цаа­­шид ямар арга хэмжээ авах вэ?

-Ажилд удааширалтай ханд­сан, шаардлага биелүүлэхгүй тохиол­долд зсаг даргын за­хирамжийн дагуу арга хэмжээ ав­на. Эдгээр байгуул­лагуудад ирэх нэг сарын 10-ны дотор  таг­тай болгох арга хэмжээг авахыг захирагчийн албаны албан шаардлага хүргүүлсэн. Бас нэг хүндрэлтэй асуудал бай­гаа нь нийслэлийн хэмжээнд орон гэргүй траншейны хү­мүүс. Орох оронгүй учраас таг­ласан траншейныг онгойл­гон орж мөн тагийг нь зарж бор­луулах сауудал гараад байна. Өнгөрсөн долоо хоногт тавьсан тагийг өнөөдөр аваад явсан байх жишээтэй. Бид­ний судалгаагаар 130-аад  тран­шейн худагт хоноглодог гэ­сэн тооцоо гарсан. Мөн хоёр­дагч түүхий эд авч байгаа газруудтай хамтран нийтийн эзэмшлийн хайш хашлага, траншейны таг авахгүй байх талаар ярилцаж зөвлөмж өгч хамран ажиллахаар болж байгаа.

-Таглаагүй траншейнд хүмүүс бэртэж амь насаа алдах тохиолдол нэлээдгүй  гарсан. Үүний хариуцлагыг хэн хариуцах ёстой вэ?

-Тухайн дүүргийн аж ахуй нэгж хариуцлагыг хүлээнэ. Дээр хэлсэнчлэн тухайн албан байгууллага, тухайн инженерийн шугам хариуцсан иргэн хариуцлагыг бүрэн хариуцлагыг бүрэн  хүлээх хууль зүйн үндэслэлтэй.  Иргэд аж ахуй нэгж ч гэсэн үүргээ ухамсарлан эрүүл аюулгүй орчинд амьдарч ажиллах нөхцөлийг бүрдүүлэх ёстой.  Гэхдээ бусдад бурууг тохоод хачх биш энэ санамсаргүй үйлдлээс урьдчилан сэргийлж шаардлага тавих нь бидний үүрэг. Засаг дарга ажлын явцтай танилцан өөрийн эрх мэдлийн хүрээнд тухайн дүүргийн засаг дарга нар шаардлагыг биелүүлээгүй тохиолдолд ха­риу­цан ажилладаг хүмүүстээ хариуц­лага тооцох эрхтэй захирамжийг өнөөдөр гаргалаа.