“Эрх тэгш хайр” нэртэй кампанит ажлыг явуулж буй бүлэг ижил хүйстнүүдийн гэрлэх эрхийг бүрэн хүлээн зөвшөөрөх тухай эрх зүйн шаардлагыг Европын хүний эрхийн шүүхэд хүргүүлжээ. Түүнчлэн тус бүлэг гетросексуал хосуудыг нийгэмд хүлээн зөвшөөрөх эрхзүйн нөхцөлийг бүрдүүлж өгөхийг шаарджээ. 2005 онд ижил хүйстнүүдийг хуулиар хүлээн зөвшөөрснөөр 40,000 гаруй ижил хүйстэн хосууд гэрлэлтээ бүртгүүлсэн байна.

“Эрх тэгш хайр” бүлэг энэ удаа ижил хүйстэн болон гетросексуал найман хосын хэргээр шүүхэд хандах гэж байгаа ба тэдгээр хосууд хуулийн дагуу гэрлэлтээ бүртгүүлэхийг оролдсон ч, олон шалтгаанаар удаа дараа татгалзсан хариу авчээ. “Эрх тэгш хайр” кампанит ажлын нэг хэсэг болж буй ижил хүйстэн дөрвөн хос хүйсийн чиг хандлагаасаа болж бусдад ялгаварлан, гадуурхагдаж байна гэсэн үндэслэлээр Европын хүний эрхийн шүүхэд хандах гэж байгаа бол гетросексуал дөрвөн хос ч мөн ийм үндэслэлээр шүүхэд хандах юм.

Эдгээр иргэд бусад ижил хүйстэн болон гетросексуал хүмүүст олгосон эрхийг олж авахыг хүсч байгаа бөгөөд засгийн газрыг энэ нөхцөл байдалд нийцсэн хууль тогтоомж гаргахыг шаардаж байгаа юм. Хэдий эдгээр иргэдийн хэргийг шийдэхэд гурван жилийн хугацаа шаардлагатай гэж үзэж байгаа ч, үүнээс өмнө засгийн газрын бодлого өөрчлөгдөхийг үгүйсгэх аргагүй юм.

Б. Энхцэцэг