“Аав аа, өвлийн өвгөн хаанаас ирдэг юм бэ” гэж бяцхан охин асуухад “Цас мөсний орноос цан хүүрэг татуулсаар…” хэмээн аав нь шүлэглэтэл “Өө, аав мэддэггүй юм байна. Хятадаас ирдгийн за. Миний бэлэг дандаа  made in China гэсэн байгаам чинь” гэж эрх охин  тунирхсан гэдэг онигоо бий. Нээрээ л жил бүр хямдхан улаан даавуугаар ур муутай хийсэн Сан­тагийн хувцастай сатуркан са­халтай “өвгөнүүд” цасан охины хувцастай “хүүхэн”дагуулж ирээд Хятадад голдуу үйлдвэрлэсэн чихэр жимс тараах нь  дэндүү яр­шигтай санагддаг болсныг нуух юун. Ядаж байхад тэр цасан хүүх­нүүдийн эротик хувцастайг  яана гээ.  Хүүхдэд дуудсан гэхэд ич­мээр дамшиг. Гээд яахав дээ,  уламж­лалт зул сарын баяр ирлээ.  Утаа униар татаж, ханиад томуу хэр­сэн Улаанбаатарын хөлдүү саа­рал гудамжинд хүүхдээ хэрхэн баярлуулахаа мэдэхгүй л байв. Гэтэл Үндэсний соёл амралтын хүрээлэнд ертөнцийн долоон гай­хамшгийг цас мө­сөөр урлаад  өнгийн гэрлээр со­лонгоруулан чимжээ. Шөнийн тэнгэрт өнгө өнгийн салют буудаж хөөрсөн жаалуудын хацарт алим аятай улаахан туяа татаад хүүхдийн цангинасан инээд, эцэг эхчүүдийн талархлын үгс зул сарын симфони болон  эгшиглэв. 

Хэдэн жил сөнөсөн галт уул мэт дүнсийж байсан парк ийнхүү  өвлийн шөнөөр амилж гэрэл гэгээ цалгиулан инээд баясалд урин дуудлаа.  Харин энэхүү зул сарын симфоний удирдаач нь  Үндэсний соёл амралтын хүрээлэнг шинэч­лэх төслийн  удирдагч Батнягт гэгч залуу. Бодь группд 10 гаруй жил ажиллаж байгаа тэрбээр  багийнхантайгаа 14 хоногийн турш   цас, мөс, ус гуравтай  “хөл­дөж үхтлээ” нөхөрлөсний ачаар ийнхүү хүүхдүүдийн “нар гарч” байна.  Юун нөгөө хямдхан Санта, эрос цасан охин, эрээн мяраан чихрийн цаас. Ажлаа тараад хүүх­дээ да­гуулаад парк руу дэгдэх юм­сан гэхээс өвлийн  элч муутай сүүмгэр нар жаргаж өгөхгүй бай­рандаа тогтчихоод  зовоож ор­­­хилоо.  Зул сарын симфоний удир­­даач Батнягтын уг мэргэжил нягт­лан бодогч гэсэн.  Харин одоо бол цасан хотхоны  гайгүй сайн инженер болж таарлаа. Баярлалаа танд. 

Л.МӨНХБАЯСГАЛАН