Филиппиний хойд хэсэгт байрлах нэгэн зочид буудалд гал гарч, 15 хүн амиа алдсан байна. Түүнчлэн 12 хүн хүнд, хөнгөн байдлаар гэмтжээ. Таван давхар барилга доод давхраасаа эхлэн шатсан бөгөөд гал сөнөөгчид олон цагийн турш түймрийг унтраахаар ажилласан байна. Зочид буудал дахь хүмүүсийн ихэнх нь гал гарах үед унтаж байсан бөгөөд тэдний дийлэнх нь аюулаас зугтаж чадсан аж.

Амиа алдагсдын ес нь гэрчилгээ авах шалгалтанд бэлдэж байсан сувилахуйн сургуулийн оюутнууд байсан гэж орон нутгийн мэдээллийн байгууллага мэдээлжээ. Одоогоор галын шалтгаан тодорхойгүй байгаа ч мөрдөн байцаагчдын таамаглаж буйгаар доод давхарт хураасан байсан автомашины дугуй болон шатамхай материалууд шатсантай холбоотой гэнэ.

Гал сөнөөгчид цогцсуудыг гаргаж авсаныхаа дараа хэлэхдээ хохирогчдын заримыг нь танихын аргагүй болсон байсан гэв.

Э.Очирт