Какао үйлдвэрлэлтээр дэлхийд тэргүүлэгч Кот Д’Ивуарын улс төрийн байдал хямралын төвшинд хүрч, шоколадны эрэлт ихэсдэг Зул сарын баяр хаяанд
ирээд байгаа энэ үед хангамжийн асуудал
харанга дэлдэж эхлээд байна. Какаоны үйлдвэрлэлтийн 40 хувийг дангаараа эзэлдэг Кот Д’Ивуарт Ерөнхийлөгчийн сонгуулийн үр дүн маргаантай байгаа юм. Ерөнхийлөгч Лорент
Гбагбо өмнө нь Ерөнхий сайдын алба хашиж байсан ОУВС-гийн ахмад зүтгэлтэн
Алассане Оуаттаратай өрсөлддсөн юм.  Ноён Оуаттара 54,1 хувийн санал авч ялалт
байгуулсан гэсэн дүнг гаргасан ч Гбагбо
давхар тангараг өргөж, суудлаасаа буухыг
хүлээн зөвшөөрөхгүй хэвээр байна.

Нийлүүлэлт багасч буйгаас болж Лондонд нэг тонн какао 2000 паунд буюу
арваннэгдүгээр сарынхаас даруй 250
ам.доллараар илүү болжээ. Долдугаар сард какаоны
үнэ 2732 ам.доллар болж, 33 жилийн хамгийн өндөр хэмжээнд хүрсэн билээ.

 Э.Очирт