Ерөнхийлөгч, УИХ, Засгийн газрын бодлого,
шийдвэрийг олон нийтэд хүргэх гүүр нь
болдог парламентын сэтгүүлчид өнөөдөр “Найрамдал” олон улсын зусланд нэг өдрийг өнгөрүүлж, УИХ-ын Тамгын газрынхантай ажил
хэргийн уулзалт өрнүүлж байна. Мөн
парламентын сэтгүүлчид
УИХ-ын Тамгын газрынхантай хамтран “Шонхор”, “Бүргэд” багт хуваагдан спортоор өрсөлдөв. Олс таталт, хөл бөмбөг, удирдлагатай бөмбөг гэсэн ангиллаар өрсөлдсөн энэ удаагийн тэмцээнд “Шонхор” багийнхан
тэргүүллээ. 

Түүнчлэн Парламентын сэтгүүлчдийн холбооноос УИХ-ын Тамгын газрын
дарга Ц.Шаравдоржид оны шагналаа
гардуулав. Парламентын сэтгүүлчдийн ажиллах нөхцлийг бүрдүүлэхэд УИХ-ын
Тамгын газраас сүүлийн жилүүдэд онцгой анхаарч, ажиллаж байгаа  төдийгүй парламентын
сэтгүүлчдийн бүтээлийг нэгтгэсэн товхимол, баримтат кино бүтээхэд мөн дэмжлэг үзүүлсээр ирсэн
юм.

Энэхүү арга хэмжээг
Парламентын сэтгүүлчдийн холбоо, УИХ-ын Тамгын газар хамтран
зохион байгуулж байна.

Г.Дарь