Япон, Хятадын усан онгоц есдүгээр сард хоорондоо мөргөлдсөний улмаас хоёр улсын харилцаа огцом муудсан билээ. Олон улсын анхаарлыг татаж буй асуудлуудын нэг Хятад улс цэргийн хүчээ нэмэгдүүлж байгааг Япон улсаас мэдэгдэж, батлан хамгаалах хууль тогтоомжоо шинэчлэн тогтоожээ. Япон улсын засгийн газрын шинээр баталсан удирдамжинд Хойд Солонгосыг олон улсын тогтворгүй байдлыг үүсгэгч хэмээн нэрлэж, АНУ-тай цэргийн холбоо сүлбээгээ илүү бататгах хэрэгтэйг уриалсан бөгөөд батлан хамгаалах салбарт энэхүү шинэчилсэн баримт бичгийг ирэх 10 жилийн хугацаанд дагаж мөрдөхөөр тогтоосон байна.

Ази дахь хүчний тэнцвэрээ шилжүүлэхийн тулд Япон улс батлан хамгаалах салбарын бодлогоо шинэчилжээ. Тус улс цэргийн хүчээ өмнөд арлуудад буюу Хятадын ойролцоо байрлуулж, харин Оросын халдлагын эсрэг хойд арлуудад байршуулаад байсан цэргийн хүчээ бууруулах юм. Нийт танкны тоог 1/3 дахин багасгах ч, шумбагч онгоц болон байлдааны тийрэлтэт онгоцны тоог нэмэгдүүлэх юм байна. 

Дээрх удирдамжинд Хойд Солонгосын пуужин, цөмийн хөтөлбөрийг тогтвортой байдлыг алдагдуулах ноцтой хүчин зүйл болж байгааг онцлон тэмдэглэж, Япон улс даяар пуужинг замаас нь устгагч төхөөрөмжийг байршуулан, пуужин харвах чадвартай байлдааны хөлөг онгоцны тоог нэмэгдүүлэх юм. Хэдийгээр Японы цэргийн хүчин Их Британийхаас давуу ч, шинэ хуулийн дагуу ямар нэг заналхийлсэн, турхирсан үйлдэл хийхийг хориглосон байна.

Б. Энхцэцэг