Х.Энхжаргал тийм ч даруу, дуугүй хүн биш бололтой. ЗЦГ-ын урд талын газар буюу ЗЦГ-ын эзэмшил газарт тэрбээр замын цагдаа нартаа зориулсан орон сууц барихаар төлөвлөсөн аж. Уг нь түүний энэ санаа ажилчид болон тэдний гэр бүлийнхнийг баярлуулжээ. Х.Энхжаргал даргын санаачилснаар орон сууцанд орох хүсэлтэй ажилчдаасаа тодорхой хэмжээний урьдчилгаа төлбөр авсан байна. Ажилчдынхаа өгсөн урьдчилгаа төлбөрөөр орон сууцаа барих төлөвлөгөөтэй байсан ажээ. Гэтэл яагаад ч юм сүр дуулиантай эхэлсэн орон сууцны барилгын ажил шав тавьж эхлээд л зогссон гэнэ. Чухам ямар шалтгаанаар зогссоныг нь Х.Энхжаргал дарга л мэдэх биз. Мөн тэрбээр Төв аймгийнх бөгөөд тус аймагт эдлэн газар, хувийн хаустай аж. Үүгээр ч зогсохгүй инфинити X5, хаймер маркийн хоёр машинаар гангарч азын дугаараар машинаа чимсэн гэдэг. ЗЦГ-ын дарга гэсэн бүхэл бүтэн том албыг хашиж байгаа хүн машин болон азын дугаараар гангарахгүй гээд ч яах билээ. Тэгэхээр түүнийг даргын албаа бүрэн ашигладаг гэчихвэл буруудахгүй биз.
Ц.ЭНХЦЭЦЭГ
"Улс төрийн тойм" сонин