Дөрөвдүгээр сарын 1-ний өдрөөс эхлэн оюутнуудын гар дээр очих ёстой хөнгөлөлтийн цахим карт эзэндээ хүрч амжаагүй байна. Өнөөдрийн байдлаар 38 мянган оюутан л цахим картаа аваад байгаа гэнэ. Тиймээс нийтийн тээврийн газрынхан энэ долоо хоногт амралтгүйгээр ажиллаж оюутны цахим картыг бүрэн түгээх ажээ. Өнөөдөр л гэхэд 10 гаруй мянган оюутантай ШУТИС-ийнханд цахим картыг нь өгөх юм байна. Хэвлэлтийг баасан гаригтаа багтаан 65 мянгад хүргэх гэнэ. Их дээд сургуулиуд оюутнуудаасаа цахим картын төлбөр 1500 төгрөгийг хурааж амжаагүй гэсэн шалтгаанаар ажлыг удаашруулж байгааг Нийтийн тээврийн газраас анхааруулж байна. Одоогийн байдлаар Сутай, Монос зэрэг сургууль оюутны цахим картаа бүрэн аваад байгаа ажээ.

Д.Цэцэн