Улсын дуурь бүжгийн эрдмийн театрын тайзнаа энэ сарын 25, 26-нд 13.00, 17.00 цагт Оросын суут хөгжмийн зохиолч П.И.Чайковскийн “Щелкунчик” балетыг тоглох гэж байна. Сонгодог урлагт хайртай бяцхан үзэгчдийн үзэх дуртай “Щелкунчик” балетыг театрын уран бүтээлчид удахгүй болох шинэ жилийн баярыг тохиолдуулан тоглох гэж байгаа аж. Энэхүү балетыг анх 1982 онд Улсын дуурь бүжгийн эрдмийн театрын тайзнаа тоглож байжээ.

Сонирхуулахад “Щелкунчик” балетын хувцас, жижиг хэрэглэлийг шинэчилж энэ сарын 25, 26-нд цоо шинэ хувцастайгаар үзэгчдийн хүртээл болох юм. Урлагийг дэмжигч “Төгөлдөр” сангаас тус балетын 140 гаруй хувцсыг сольж, ивээн тэтгэсэн байна. Монгол Улсын Ерөнхий сайд С.Батболдын гэргий Х.Отгонтуяагийн тэргүүлдэг энэхүү “Төгөлдөр” сан нь өнгөрсөн улиралд П.И.Чайковскийн “Нойрссон гүнж” балетыг ивээн тэтгэж байсан юм.