Мексикийн хил дагуу байрладаг Жуарез хотод он гарснаас хойш 3000 хүн хар тамхины хэргээр амиа алдсан байна. Энэ нь хэдхэн жилийн өмнөхөөс аравн дахин илүү байгаа аж. Шинэ он гарахад ердөө хоёрхон долоо хоног дутуу байгаа ч 2010 он тус хотын хамгийн хэрцгий жил байсан бололтой.

Мягмар гаригт хар тамхины бүлэглэлүүд хоёр хүний амийг хороож, үхлийн тоог яг 3000 болгосон тухай Чиуауа мужийн ерөнхий шүүгчийн хэвлэлийн төлөөлөгч CNN агентлагт хэлсэн юм.

Өнгөрсөн онд энэ төрлийн гэмт хэргээс үүдэлтэйгээр 2656 хүн амиа алдсан байна. Харин ердөө гуравхан жилийн өмнө буюу хар тамхины гэмт хэрэг газар авахаас өмнө энэ тоо ойролцоогоор 300 байсан аж.

Э.Очирт