Хүчирхэг хоолойгоороо алдартай дуучин Кристина Агилера өнгөрсөн бямба гаригт 30 насныхаа төрсөн өдрийг тэмдэглэлээ. Тэрбээр өөрийн тоглосон “Burlesque” мюзикл киноныхоо нээлтэд оролцон тун заьгүй байсан ч найз нөхдийнхөө хамт төрсөн өдрийн үдэшлэг зохион байгуулжээ. Найзуудтай төрсөн өдрөө тэмдэглэж байхад нь түүний экс нөхөр Жордан Братман хүү Макстайгаа Лос-Анжелос дахь гэртээ байсан аж. Хосууд хэдий салсан ч хүүгээ хамтдаа өсгөнө хэмээн мэдэгдэж байсан юм.

Түүний 29 нас нөхрөөсөө салсан, хувийн зургуудаа хакердуулсан гээд дуулиан шуугиан ихтэй, багагүй саад бэрхшээлтэй хүндхэн болж өнгөрсөн. Харин тэрбээр 30 насаа шинэ найз залуутайгаа хамт, шинэ бүхнээр угтаж авлаа.