Үндэсний Шинэ Намаас 2011 оны 3 дугаар сарын 1-ны өдөр “Тэнгэр заяат Монголчууд, үндэсний үзэлтнүүд нэгдэгтүн” уриан дор бүх ард түмний их хуралдай хуралдуулахаар болж байгаа аж. Тус хуралдай нь Монгол Улсын өнөөгийн нийгэмд тулгамдаж байгаа улс төрийн асуудлыг шинэ өнцгөөс харах боломж олгох гэнэ.

Тэд үндэсний эрх ашиг бол хувь хүний эрх ашгаас эрхэм байх ёстой энэ нь үндэсний үзлийн бүрэлдэхүүн хэсэг гэж үзэж байгаа аж.

Харин Монгол Улс төр барьж байгаа эрхмүүд УИХ-д сууж байгаа цөөн хэдэн хүнийг эс тооцвол хувийн эрх ашиг, сонирхлын үүднээс аливаа зүйлд хандаж байгаа нь тухайн улсыг гаднаас нь өөр нэг улс засаглахад амархан байдаг гэж ҮШН-ын үзэл баримтлалд тусгажээ.