“Матриц” киноны од Keanu  Холливуудын А зэрэглэлийн жүжигчний  амьдралаас залхаж, зэрлэг хүн шиг сахлаа ургуулан хуучин хувцас өмсч, гудамжинд хоног төөрүүлэх болсон билээ. Үүний цаана нуугдаж байгаа шалтгаан нь түүний эргэн тойрны хүмүүст хараал хүрсэн мэт муу зүйл тохиолддогтой холбоотой гэдэг. Өнгөрсөн даваа гаригт түүнийг нэг гартаа самурайн сэлэм барьсан явахад нэгэн хүн зургийг нь дарсан байна. 

Кино од өнгөрсөн жил  Universal Studios –ын 1994 оны бүтээл, “47 Ronin” хэмээх киноны шинэ хувилбарт гол дүр бүтээх гэж байгаагаа мэдэгдэж байсан юм. Бодит үйл явдлаас сэдэвлэсэн уг кино нь удирдагч нь харакири хийж  шударга бусаар яллуулсан самурай нарын тухай өгүүлдэг. Ronin  хэмээх самурай шударга бус шүүхээс өшөөгөө авахаар тэмцдэг боловч бүгд харакири хийж дуусдаг.

Keanu Японы сонгодог жанрын уг киноны зураг авалтад бэлтгэн сургуулилж байгаа аж. 

Уг кино нь “The Lord of The Rings” киноных шиг уран зөгнөл болон бодит үйл явдлын холбоос байхаас гадна  эхнээсээ дуустал үзэгчдийг  “Gladiator” шиг тулааны талбарт аваачир гэнэ. Уг киноны найруулагч Carl Rinsch бөгөөд 2012 оны 11 дүгээр сард 3D хэлбэрээр дэлгэцэнд гарах гэнэ.