МАХН-ыг нэрээ сольж, Монгол Ардын нам болсонд эгдүүцсэн улс төр өдгөө
аль хэдийнэ МАХН-ын Түр штаб байгуулах хэмжээнд хүртлээ өр­гөжсөн
байгаа. Тэдний хувьд Н.Энхбаяр даргыг өөрс­дийнхөө ард байхгүй хэмээж
буй ч ерөнхий бодлогоос нь түүний оролцоо бий гэдгийг таамаглах болсон.

Тэгвэл
Н.Энхбаяр даргын хувьд ч Монгол Ардын на­мын удирдлагуудтай хийх
мэтгэлцээнээ дуусгаагүй болол­той. Учир нь түүнийг тойрон хүрээлэгчид
“Н.Энхбаярын улс төр эхлээгүй байгаа. Удахгүй эхлүүлнэ” хэмээн ярилцах
аж. Нэг ёсны тэрбээр Монгол Ардын намын Бага хурлын гишүүн болж,
намаасаа гарах талаар саналаа илэрхийлээгүй ч ирэх оноос улс төрийн үйл
ажиллагаагаа эрчимжүүлэх сурагтай.

Харин тэрбээр цаг нь болохоор
бодлогын чанартай, улс төрийн томоохон бодит асуудлыг хөндөж тавихаар
бэлт­гэж эхэлсэн гэдгийг ч хэ­лэх нэгэн байна. Нэг ёсны МАХН-ын Түр
штабаас зарласан МАХН-ын Онц их хурлыг хуралдах үеэр Ерөн­хий­лөгч асан
Н.Энхбаяр гол хөз­рөө дэлгэж, Монгол Ар­дын намын удирдлагын та­лаарх
хатуухан байр сууриа улс төрийн тавцанд бодитоор нь хэрэгжүүлэхийг
хүлээх л үлдэв бололтой.