Монгол Улсын нэрт хөгжмийн зохиолч, найрал дууны удирдаач Г.Дарамзагд агсны мэндэлсний 80 жилийн ойд зориулан “Г.Дарамзагдын нэрэмжит Олон улсын мэргэжлийн дуулаачдын III уралдаан”-ыг ирэх оны нэгдүгээр сарын 17, 18, 19-ний өдөр зохион байгуулах гэж байна. Хөгжмийн зохиолч Г.Дарамзагд нийтийн болон мэргэжлийн дуу дуулаачдад зориулсан олон зуун шилдэг бүтээл туурвисан дууны их мастер юм.

Уралдааныг хоёр үе шаттайгаар шалгаруулж дүгнэх бөгөөд зөвхөн мэргэжлийн дуучид болон дуулаачийн мэргэжлээр их дээд сургууль, коллежид суралцаж буй оюутнууд оролцох юм. Уралдаанд оролцох дуучид энэ сарын 10-наас ирэх нэгдүгээр сарын 10-ны дотор gdaramzagd@yahoo.com <mailto:gdaramzagd@yahoo.com>  хаягаар мэдүүлгээ ирүүлэх аж.