Монгол Улсын Засгийн газар, Оюутолгой ХХК-ийн хооронд “Хөрөнгө оруулалтын гэрээ”-нд гарын үсэг зурснаас хойш  хагас жилийн хугацаа өнгөрч байна. Энэ хугацаанд хөрөнгө оруулалтын гэрээ болоод Оюутолгойн ордыг ашиглах Техник эдийн засгийн үндэслэл тойрсон асуудлаар олон янзын  шүүмж гарсан. Техник эдийн засгийн үндэслэлийг буцаах болсон дөрвөн шалтгааны нэг нь усны нөөцийн  тодорхойгүй байдал байсан. Тиймээс Оюутолгой төслийн дэд ерөнхийлөгч С.Санждоржоос усны нөөц хүрэлцээтэй эсэх талаар тодруулсан юм.

 -Бид Оюутолгойн ашиглалтад Галбын говийн газрын гүний усыг ашиглахаар тооцоо судалгааг хийгээд байна. Усны хайгуулыг гурван хэсэгт хийсэн. Хайгуул судалгаагаар Галбын говь орчимд уртааш 45 км, өргөөш 12 км-ийн талбайд 160 сая  куб метр ус байгаа нь тогтоогдсон. Уст үеийн зузаан 185 метр. Давхаргын хувьд 50 сая шоо метр ус байгаа. Үүний  таван хувийг ашиглана гэж бодоход 6800 сая метр куб болно. Энэ тооцоог барууны загварчлалын аргаар тооцон гаргасан. Хэрвээ Оросын аргачлалаар тооцох юм бол 40 жилийн хугацаанд нийт усныхаа 21 хувийг л ашиглах болно гэлээ. Тэдний тайлбарлаж байгаагаар Оюутолгойн олборлолтод давсархаг, шорвог, унданд ашиглахааргүй  усыг ашиглах гэнэ.

Д.Цэцэн