Том биш хүчирхэг эдийн засагч | News.MN

Том биш хүчирхэг эдийн засагч

Хуучирсан мэдээ: 2010.12.13-нд нийтлэгдсэн

Том биш хүчирхэг эдийн засагч

Ардчилсан хувьсгалын 20 жи­лийн ойгоор ардчиллын анхдагч­дад Чингис хааны одон гардуулсан. АН-ын дарга Н.Алтанхуяг Голомт банкны ТУЗ-ийн дарга Д.Баясгаланд Чингис хааны одон гардуулахдаа “Бизнесийн салбараас онцгойлж…” хэмээн тодотгож байсан. Монголын оюутны холбоонд байхаасаа Д.Баясгалан ардчиллыг чөлөөт зах зээлийн гарц гэж харж байсан нь өнөөгийн амжилтынх нь эхлэл болсон гэж ардчиллын анхдагчид тодотгодог юм билээ. Тэрбээр С.Лувсанвандан агсны хоёр хүү болон М.Зоригттой хамтарч “Бодь групп”-ийг байгуулж байсан түүхтэй. Тэр үед “Голомт” банкны ирээдүйн ханд­лагыг тодорхойлохдоо “Том баймаар байна уу, хүчирхэг баймаар байна уу” гэж өөрөөсөө асуугаад “Том баймаар байна” гэж хариулж байсан гэдэг. Харин зургаан жилийн дараа банк том биш хүчирхэг байх ёстой гэдэг зарчим дээр хатуу зогссоноо Д.Баясгалан захирал дурссан бай­даг. Яг ийм зарчмыг бизнестээ ба­римталсны дүнд Мон­голын шилдэг эдийн засагч, банкир болж, “Голомт” банк тэргүүлэгч банкийг болгож чадсан. Тэр бас “Улс төртэй холбоотой байж томоохон салбар, компаниудыг харилцагчаа болгох арга хайж байгаагүй. Хувь хүнийхээ хувьд улс төрд нөлөө бүхий хүмүүсийг таньдаг, ашиглах боломж бий. Гэхдээ тэднийг банкныхаа үйл ажиллагаа, сонирхолдоо ашиг­лаж байгаагүй. Ердөө л зах зээ­лийн хөгжлийн жамаар явахыг эрхэмлэсэн” гэж бардамнасан байдаг. Түүний энэ чанарыг ардчилагч нөхөд нь үнэлдэг юм билээ.

Д.Баясгалан захирал бас спор­тод нугасгүй нэгэн. Монголын Оюутны спор­тын холбооны ерөнхийлөгчийн сон­гуульт ажилтай тэрбээр цөөнгүй тамирчдыг ивээн тэтгэж амжилтанд хүргэжээ. 

Б.ЦЭЦЭГДЭЛГЭР

Зохиогчийн эрх:
"Улс төрийн тойм" сонин

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж