Дундговь аймгийн нийт нутгаар одоогоор цасан бүрхүүл тогтож амжаагүй, хяруулж орсон хэд хэдэн удаагийн цас элстэй холилдон шуурснаас Цагаан дэлгэр, Говь-Угтаал сумыг эс тооцвол нийтдээ малын амны цасгүй гэхээр байна. Гэвч сүүлийн өдрүүдийн тэнгэрийн араншин, цаг уурын мэдээнээс үзвэл нэлээд хүйтрэх төлөвтэй байна.

Ойрын өдрүүдэд шөнөдөө 25-30, өдөртөө 19-24 хэм хүрч хүйтрэх нь говь нутгийн өвөл өдөр болгон тохиолдоод байдаггүй тул  мал аж ахуйн өвөлжилт болон төв суурин газрыханы тав тухыг алдуулж хүн, малгүй зутарч болзошгүй . Ялангуяа Мандалговь хотын  зарим хэсэгт халаалт дулаан доголдож байгаа нь албан байгууллага, орон сууцанд суугчдын тав тухад сөрөг нөлөөлөхвий гэж аймгийн удирдлага болгоомжилж байгаа юм.