Дундговь аймагт саяхан болсон нэгэн зөвлөлгөөний илтгэлд “Тус аймгийн хэмжээнд  нэг жилд борлогдсон нийт архийг  саяны хүн амын тооллогоор тоологдсон бүх хүнд хуваавал нэг иргэнд 28,8 шил  архи ногдож байгаа” тухай сэтгэл сэрдхийм тоо баримт дурьдсан юм. Үнэхээр аймгийн хэмжээнд жилдээ 1000 хүн эрүүлжих байраар дамждаг гэсэн тоотой жишвэл энэ бодитой баримт аж. Тиймээс ч  “Гэмт хэргээс урьдчилан сэргийлэх ажлыг шинэ шатанд гаргах” зорилт дэвшүүлсэн аймгийн зөвлөгөөнөөс гаргасан зөвлөмжид “Архидан согтуурахтай хийх тэмцлийн арга, хэлбэрийг боловсронгуй, үр нөлөөтэй  болгох”-ыг  онцолсон байна.