Хөрөнгө орлогын мэдүүлгээ худал мэдүүлсэн байжээ | News.MN

Хөрөнгө орлогын мэдүүлгээ худал мэдүүлсэн байжээ

Хуучирсан мэдээ: 2010.04.02-нд нийтлэгдсэн

Хөрөнгө орлогын мэдүүлгээ худал мэдүүлсэн байжээ

Өнгөрсөн оны Хөрөнгө орлогын мэдүүлгийн Авлигтай тэмцэх газар албан ёсоор танилцуулаад байна. Ингээд Хөрөнгө орлогын мэдүүлэгтэй холбоотой бусад мэдээллийг багцлан хүргэж байна.

Энэ жил хөрөнгө орлогын мэдүүлгийг нийт 78 байгууллагын ажилтан албан хаагч хамрагдсанаас Шүүхийн ерөнхий зөвлөл, Мэргэжлийн хяналтын ерөнхий газар, Цагдаагийн ерөнхий газар, Татварын ерөнхий газар гэх мэт олон байгууллага хуулийн хугацаандаа мэдүүлгээ бүрэн өгсөн юм байна. Харин УИХ-ын Тамгын газраас ес, Засгийн газрын хэрэг эрхлэн газраас гурав, Онцгой байдлын ерөнхий газраас 12, Гаалийн ерөнхий газраас таван ажилтан хугацаа хожимдуулж мэдүүлсэн гэнэ. АТГ-ын хяналт шалгалтын хэлтэс зөвхөн мэдүүлэг аваад зогсохгүй хяналт шалгалт хийж, худал мэдүүлсэн хүнд хуулийн дагуу хариуцлага тооцох  алба бичгийг уирдлагад нь илгээдэг. Энэ жилийн хөрөнгө орлогын мэдүүлгээ хугацаа хожимдуулсан  Төрийн тусгай хамгаалалтын газрын ахлах нягтлан бодогч С.Нямхишигт хариуцлага тооцох албан тоотыг Тагнуулын ерөнхий газрын даргын нэр дээр  явуулсан аж. Учир нь тус газрын  ахлах нягтлан бодогч С.Нямхишиг нь хөрөнгө орлогын мэдүүлгээ хугацаанд нь мэдүүлээгүй. Түүнд хөрөнгө орлогоо мэдүүлэхгүй байх хүндэтгэн үзэх шалтгаан байгаагүй учир ажлаас нь халсан гэдгээ ТЕГ-ын дарга албан тоотоор илгээжээ.

Ашигт малтмалын газрын дэд дарга Д.Эрдэнэбилэг хөрөнгө, орлогоо хуулийн хугацаанд мэдүүлээгүй, нөхөж өгөхдөө худал мэдүүлсэн болох нь шалгалтаар тогтоогдсон аж. Тэрбээр “МИАТ” компанийн төлөөлөн удирдах зөвлөлийн тогтоолоор урамшуулал болгон олгосон 73 сая төгрөг, эхнэрийнхээ нэр  дээр байдаг “Рийчкашмер” ХХК-ийг мэдүүлээгүй байжээ. Авлигын эсрэг хуулийн 13 дугаар зүйлийн 13.5 дахь хэсэгт заасныг үндэслэн Д.Эрдэнэбилэгт хариуцлага  тооцохыг шардсан бичиг илгээсэн ч Д.Зоригт сайд одоо хэр нь хариу ирүүлээгүй байна.    

Мөн “МИАТ” ХК-ийн гүйцэтгэх захирал Р.Бат-Эрдэнийн хөрөнгө, орлогын мэдүүлгийг Авлигатай тэмцэх газар шалгахад, Р.Бат-Эрдэнэ нь тээврийн хэрэгслээ бусдад зарж борлуулсны орлого болох 6500 ам.доллар, Хандгайт болон Гүнт дэх хоёр давхар зуслангийн байшин, гэр бүлийнхээ хүний 50 хувь эзэмшдэг ХХК зэргийг  мэдүүлээгүй зөрчил гаргасан гэж АТГ-аас мэдэгдлээ. Түүнчлэн хөрөнгөд орсон их хэмжээний өөрчлөлт буюу гэр бүлийнхээ хүний нэр дээр 24 мянган ам.доллараар худалдан авсан авто машиныг ч мэдүүлээгүй зөрчил гаргажээ.

Х.ОЮУН

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

AТГ 2010-04-02 180.235.170.29

ЮУмаа үнэн зөв мэдүүлмээргүй байвал Төрийн албанд бүү ортугайТөрийн алба чамаар дутахгүйЧи тэр нууцаа хувиараа юум хийгээд дараад явна бизАлба бол алба

Avatar

Зочин 2010-04-02 127.0.0.1

mongo idehgui morooroo yavj bval yu gej ingej shalgahiin be bugd ideed nuden deer ovoij otsoigood bn shdee deerh malaa chi bas ideed saihan bn uu chamaig shalganaa

Avatar

yadargaatai um be-d 2010-04-02 127.0.0.1

Turiin alban haagch gedeg utgaaraaa ted irgediin hudulmuriin stalin tatvaraar stalinjdagArd tumnii umnu hurungu orlogiin meduulege ni il tod baih yostoi Irgediin munguug shamshigduulah etgeeduuded busad ni tatvar tulsun bolohneeYamar negen nuugdmal zuil bgaa umnuud l orlogiin meduulegeee nuuj daragduulaj stag uddag ni oilgomjtoi

Avatar

Shudarga Irgen 2010-04-02 127.0.0.1

Irgediin tatvaraas tsalin avdag tangarag orgoson toriin alban haagch horongo orlogoo medeeleh ni zui yosnii hereg Delhii dayaraa iim lbaidag

Avatar

Ted xun bish yum uu 2010-04-02 127.0.0.1

Undur alban tushaaltan ch gesen xuvi xunii nuuts ruu bur orchix yum aa Bi jiriin irgen Uoriigoo tednii bairand taviad bodoxloor bi xuviinxaa uchuuxen nuutsiig busdad delgeed baimaargui baidag Getel xuuli ATG-iin nereer dalailgaj surduuleed baival shal durgui xurch l taarax yum bna Odoo chini bankuud bolon tomooxon kompaniudiin ajilchid xen ni xichneen tugrugiin tsalin uramshuulal avch baidag ni ch nuuts l baidag yum sh dee

Avatar

yadargaatai yum be 2010-04-02 127.0.0.1

huvi hunii asuudaltai het hutgaldaad bh yumaa heden udaa or hunjild orsonoo bas meduuleegui baina gej heleh dutaj bh shiv dee hiih ajilgui amitan hunii muug uzej ajil turul amidralaas ni salgaj baigaa gazar daa ATG gej

NewsMN Гар утасны хувилбар Татах
NEWS.mn

Мэдээллийн эх сурвалж