Өнгөрөгч сарын 20-нд Сонгонохайрхан дүүргийн зургадугаар хорооны задгайд нэг гэрт байсан есөн хүний амь насыг хэрцгийгээр хөнөөсөн этгээдийг цагдаагийнхан баривчилжээ. Одоогоор  гэмт хэрэгтнийг хэн болохыг олон нийтэд зарлаагүй байгаа бөгөөд ирэх ням гаригт хэвлэлийнхэнд албан ёсны мэдээлэл өгнө гэлээ.  Уг хэрэгт 10 хүнийг сэжигтнээр татан байцаах явцад найм нь холбогдолгүй болох нь тогтоодсон. Гэхдээ байцаагдаж үлдсэн хоёр хүн хэрэгт холбогдолтой нь батлагдсан эсэхийг бид холбогдох албаны хүмүүсээс асуусан боловч тодорхой хариултыг ням гаригт өгнө гэлээ.

Олныг сэтхийлгэсэн энэ хэргийг үйлдсэн этгээд нэг гэрт байсан есөн хүний наймыг нь хутгалж хөнөөгөөд, гаднаас нь түгжин галдан шатаасан юм. Амь үрэгдсэн есөн хүний тав нь бага насны хүүхэд, дөрөв нь насанд хүрсэн хүмүүс байсан билээ.