Их Британийн хунтайж Чарльз болон Корнваллын гүнгийн хатагтай нарын сууж явсан автомашин сургалтын төлбөрийг нэмэгдүүлж, жилийн 9000 паунд хүргэх гэж буй явдлыг эсэргүүцсэн оюутан босогчдын халдлагад өртсөн байна. Оюутнууд машины нэг цонхыг цуулж, будаг цацсан ч дотор нь байсан хунтайж болон хатагтай хоёр гэмтэж бэртээгүй байна.

Жагсаал зохион байгуулагчид Парламентын талбайд цагдаа нартай мөргөлдсөн байна. Энэ үеэр цагдаагийн 12 албан хаагч, 43 оюутан гэмтэл авсан бол нийт 34 хүнийг баривчилжээ. Тус улсын Ерөнхий сайд Дэвид Камерон энэ явдлыг маш харамсалтай зүйл болсон хэмээн мэдэгдсэн байна.

Босогчид Эрдэнэсийн сан болон Дээд шүүхийн барилгын цонхыг хагалсан аж.