“Anonymous” бүлгийн гишүүн “Coldblood” ВВС агентлагт мэдээлэл өгчээ. Тэрбээр “MasterCard” болон “Visa” ямар шалтгаанаар “WikiLeaks”-ын үйл ажиллагааг хууль бус гэж үзэж буйг ойлгохгүй байгаа гээд энэ нь улс төрийн шахалттай холбоотой гэв.
Голландад 16 настай өсвөр насны хүүхэд “MasterCard” болон “Visa” компанийн сайтууд руу халдахад оролцсон хэргээр баривчлагдсан байна. Тэрбээр энэ өндөр технологийн гэмт хэрэгт гар бие оролцсон гэдгээ хүлээн зөвшөөрсөн байна.
“WikiLeaks”-ыг дэмжигчдийн хийж буй халдлагад нэгдэхийг хүсэгчдэд зориулсан програмыг одоогийн байдлаар 31 мянган удаа интернэтээс татсан гэсэн мэдээлэл байгаа юм. Аюулгүйн албаныхан иргэдийг үүнд оролцохгүй байхыг уриалж байгаа юм.