Өнгөрсөн хоногт ихэнх нутгаар цас орж, баруун зүгийн нутгийн баруун болон говийн нутгаар түр зуур 10-34 м/с-ын салхи шуургатай байлаа.

Өнөөдөр нутгийн зүүн хагаст солигдмол үүлтэй, төвийн нутгийн зүүн хэсэг, зүүн зүгийн нутгийн зарим газраар цас орж, явган шуурга шуурна. Харин энэ сарын 15-ны өдрийг хүртэлх байдлаар 11-нд баруун болон төвийн нутгаар, 12, 13-нд ихэнх нутгаар, 14-нд зарим газраар цас орно. Салхи 11-нд Алтайн салбар уулс, Арц богдын өвөр хоолойгоор 12, 13-нд говь талын нутгаар секундэд 12-14 метр хүрч ширүүсэн цасан болон шороон шуурга шуурна. Хүйтний эрч эрс чангарч Хөвсгөл, Хангай, Хэнтийн уулархаг нутаг, Идэр, Тэс, Хараа, Ерөө, Туул, Хэрлэн, Халх голын сав газраар шөнөдөө 35-40 градус, өдөртөө 25-30 градус, Алтайн өвөр говь болон говийн нутгийн өмнөд хэсгээр шөнөдөө 20-25 градус, өдөртөө 13-18 градус, бусад нутгаар шөнөдөө 27-32 градус, өдөртөө 18-23 градус хүйтэн байх тул малчид, ард иргэд сонор сэрэмжтэй байхыг Онцгой байдлын ерөнхий газар, Ус цаг уур, орчны шинжилгээний хүрээлэнгээс анхааруулж байна.