Digital Camera гэдэг Британийн сэтгүүл дижитал гэрэл зургийн уралдааныхаа ялаг­чийг зарлав. Сэтгүүлийн сайтын мэдээлс­нээр Австралийн гэрэл зурагчин Жон Рай­тын усан дор авсан зургийг оны шилдэг зур­гаар шалгаруулжээ. Гэрэл зурагт уснаас шум­бан дээш гарч буй серферийг буулгасан байв.

Энэ зураг нь “Адреналин” гэх ангилалд ялжээ. Гэрэл зурагчны яриагаар тэр зургийг Голд-Кост хотын далайн эргийн орчимд авсан байна. Гол төлөв далайн зураг авдаг Райт уралдааны тэргүүн байрны 10 мянган фунт стерлингийн шагналыг хүртлээ.

“Хөрөг” ангилалд Польшийн гэрэл зураг­чин Анна Боднарийн “Альдоны түүх” зураг, “Аялал” ангилалд Малайзийн Кама­рулзаман Руссалийн “Далай дахь амьдрал” зургууд шалгарчээ. Энэ жилийн уралдаанд 10 ангиллаар дэлхийн гэрэл зурагчдын 114 мянган зураг өрсөлдсөн байна.