3,384.41
Энэ хорвоогийн амьдрал үргэлжилсээр. Өвлийн цас хаялсан нэгэн сайхан өглөө гэрээсээ эртлэн гарч хичээлдээ явж байлаа. “Шидэт шараа” үзүүлэн автобусанд чихэлдэн явах зуур нийгмийн амьдрал тэр чигээрээ энэхэн нийтийн унаанд өрнөж байх мэт сэтгэгдэл төрнө. Янз бүрийн ажил мэргэжилтэй, өөр өөр зорилготой яваа энэ хүмүүстэй хамт амьдралын минь өглөө бүрийн 30 минут өнгөрдөг гээд бодохоор яалт ч үгүй миний амьдралын нэг хэсэг энэ автобус юм байна гэх бодол төрнө.
Автобуснаас буулаа. Гудамжинд ч мөн амьдрал буцалж байна. Өөд уруугүй хүн хөлхөх сургуулийн урд нэгэн хүүхэд нарлаж байгаа мэт тухтай нь аргагүй унтаж байхтай таарлаа.
