“Apple” компани дахин сэргээсэн 16 гигабайтын iPаd-ын үнийг 449 ам.доллараас бууруулж, 429 ам.доллар болгосон байна. Харин дахин сэргээсэн 32 гигабайтын хувилбарын үнэ 499 ам.доллар буюу шинэ хувилбараасаа даруй 100 ам.доллараар хямдаар худалдаалах юм байна. Түүнчлэн 64 гигабайтын iPad-ын загварын үнэ 699 ам.доллар байдаг бол сэргээсэн хувилбарыг 599 ам.доллар болтол хямдруулсан байна.

Энэ нь зөвхөн WiFi iPad-ын хувьд хамаарах үнэ юм байна. Харин WiFi +3G хувилбаруудын үнийг төдийлөн хямдруулаагүй аж. Дахин сэргээсэн бүтээгдэхүүнүүдэд шинэ iPad-тай ижилхэн баталгаа гаргаж өгөх төдийгүй шинэ зай суулгасан байх юм.