АНУ-ын Эрчим хүчний яамнаас шатахуун, дизель болон халаалтын тосны хуримтлал өнгөрсөн долоо хоногт тооцоолж байснаас ихээр нэмэгдсэн тухай зарласны дараа эрчим хүчний зах зээлд лхагва гаригт газрын тосны үнэ буурсан байна. Вашингтоны зүгээс шатахууны нөөц 3,8 сая баррелиар өссөн гэжээ.

Нью Йоркийн бирж дээр баррель нефтийн үнэ 41 центээр буурч, 88,28 ам.доллар болсон болж, Лондонд Брент нефть 62 центээр хямдарч, баррель нь 90,77 ам.доллар болжээ. Хэдийгээр тус бүтээгдэхүүний үнэ “засагдах” хандлагатай болж ирж байгаа ч ирэх онд хэрэгцээ их байх тул өндөр үнэтэй хэвээр байх төлөвтэй байгаа юм. Олон улсын эрчим хүчний агентлагаас 2010 оны хэмжээнд газрын тосны хэрэгцээ өдрийн 2,3 сая баррель байна гэсэн нь сүүлийн 30 жилийн туршид хамгийн өндөр хэмжээ аж. Гэхдээ 2004 онд л өдрийн хэрэглээ гурван сая баррель болж байсан тохиолдол байдаг юм.