Ус, цаг уурын хүрээлэнгээс мэдээлж байгаагаар  энэ оны арваннэгдүгээр сард Увс аймгийн Малчин суманд 35 мм хур тунадас орсон нь хамгийн их тунадаст тооцогдож байна. Агаарын температурын хувьд  Өмнөговь аймгийн Ханбогд суманд 15 хэм дулаан байсан бол хамгийн бага температур Завхан аймгийн Тосонцэнгэл суманд -35 хэм хүрч хүйтэрсэн байлаа. Салхины хамгийн их хурд Ховд аймгийн Ховд, Баян-Өлгий аймгийн Өлгий суманд тохиожээ. Өлгий суманд 30-31 м/сек хүртэл хүчтэй салхилсан байна.

  Аймгийн төвүүд болон  нийслэл хотын агаарын дундаж температур арваннэгдүгээр сард олон жилийн дунджаас 3.1 хэм дулаан байсан бол өмнөх оны мөн үеэс 2.5 хэмээр хүйтэн байжээ.