Дэлхийн улс орнууд Гаитийн сэргээн босголтод 5,3 тэрбум доллар хандивлаж байна. НҮБ-ын Ерөнхий нарийн бичгийн дарга Пан Ги Мунын мэдэгдлээс иш татан энэ тухай Associated Press агентлаг мэдээлжээ. Ерөнхий нарийн бичгийн даргын хэлснээр гуравдугаар сарын 31-ний НҮБ-ын бага хурлаар 3,9 тэрбум доллар цуглуулах төлөвлөгөөтөй байсан нь “санаж байснаас хамаагүй их болсоныг” Reuters тэмдэглэжээ. Энэ цуглуулсан 5,3 тэрбумыг хоёр жилийн длитор Гаитийн Засгийн газарт дамжуулах юм байна. Үүнээс гадна гурван жилийн дотор дэлхийн 50 орон Гаитийн сэргэн босголтод ерөнхий дүнгээр ес гаруй тэрбум долларыг хандивлахад бэлэн байгаа гэнэ. Хандивын мөнгө 3,9 орчим байх төлөвлөгөөтөй байжээ.
Бага хурлыг тэргүүлэгч нарын нэг АНУ-ын Төрийн нарийн бичгийн дарга Хиллари Клинтон хэлэхдээ АНУ 1,15 тэрбум долларыг гаргахад бэлэн гэв. Европын холбооны тусламж нь нийтдээ 1,6 сая тэрбум доллар байх юм байна. Бага хурлаар улс орнууд Гаитийг сэргээх төлөвлөгөөг ярилцжээ. Мөн тус орны эдийн засгийг төвлөрсөн арга хэмжээгээр сэргээж ажлын шинэ байрыг бий болгоход анхаарах гэнэ. Гаитийн Засгийн газар төлөвлөгөөгөө хэрэгжүүлэхэд 11,3 тэрбум орчим долларыг хүсч байгаа юм.
Нэгдүгээр сарын 12-нд Гаитид болсон долоон баллын чичирхийлэлтэй газар хөдлөлтөөр тус орны нийслэл Порт-о-Пренс бараг бүрэн сүйрч нурсан билээ. Хамгийн сүүлчийн мэдээгээр гамшгийн улмаас үрэгдэгсэдийн тоо 300 мянга болсон ба нийт хохирлын хэмжээ нь 8-14 тэрбум ам.долларт хүрчээ.