Европын холбоо саяхны сонгуулиар зэрэгцээ хоёр засаглал тогтсон Кот-д"Ивуарт хориг арга хэмжээ авна гэж сануулсан тухай Agence France-Presse мэдээлж байна. Агентлагийн мэдээлснээр гарч ирсэн улс төрийн хямралыг нэн даруй зогсоож, Африкийн баруун хэсэгт дахин нэг халуун цэг үүсгэхгүй байхыг ЕХ тус орноос шаардсан байна. Үүгээр тэд какао-бобын дэлхийн томоохон үйлдвэрлэгч оронд иргэний дайныг дахин гаргуулахгүйн төлөө байгаагаа ЕХ үзүүлж байна.

Өнөөгийн ерөнхийлөгч Лоран Гбагбо ба сөрөг хүчний лидер  Аласан Уаттара хоёр ерөнхийлөгчийн сонгуулийн ялагчаар өөрсдийгөө зарласны дараа Кот-д"Ивуар салан бутрахад хүрээд байна.

Улсын Үндсэн хуулийн цэц нь эхнийхийг нь дэмжиж, Сонгуулийн ерөнхий хороо Уаттарагийн талд оржээ. Дэлхийн хамтын нийгэмлэг бас л Уаттараг дэмжиж байна. Учир нь тэрээр сөрөг хүчний лидер.

Хэрэг явдлыг хурцатгахгүйн тулд Кот-д"Ивуарт ӨАБНУ-ын ерөнхийлөгч асан Табо Мбеки маргалдагч талуудын хооронд зуучлахаар очжээ.

Эх сурвалж: Лента.ру. Бэлтгэсэн: Ш.Мягмар