Баруунтуруун суманд шилэн кабелийн сүлжээнд тулгуурласан “Монголын цахилгаан холбоо” компанийн  32 хэрэглэгчтэй интернэтийн сүлжээ, 704541ХХ дугаар бүхий 64 хэрэглэгчтэй суурин утасны сүлжээ  ашиглалтанд орлоо. Уг сүлжээг  Увс аймгийн “Монголын цахилгаан холбоо”-ны салбараас инженер техникийн ажилтнууд ирж суурилуулсан байна. Ийнхүү шилэн кабелийн сүлжээнд холбогдсоноор иргэд  интернэт, факс, АТС-ын үйлчилгээг ажлын байр болон гэрээсээ хүртэх боломжтой болж байгаа юм.