Монгол Улсад чөлөөт хэвлэлийн анхдагч болж 20 жилийн тэртээ мэндэлсэн ”Ардчилал” сонины уншигчид, хамт олонд өнөөдөр нэгэн баярт үйл явдал тохиож байна. Өнөөдрөөс яг гурван жилийн өмнө 2007 оны дөрөвдүгээр сарын 1-нд ”Ардчилал” сонин өдөр тутам болон гарч эхэлсэн юм. Үндэсний өдөр тутмын чөлөөт хэвлэл ”Ардчилал” сонин гурван жилийн ойгоороо уншигчдадаа нэгэн шинэ бэлэг барьсан нь сонины зарим мэдээлэл англи хэлээр хэвлэгдэн гардаг болжээ.

Монголын сэтгүүл зүйд өөрийн гэсэн өнгө төрхөөр ялгарч, улс эх орныхоо түүхийг бүтээлцэж яваа тус сонины ам бүл эдүгээ 30-уулаа, өдөр бүр 12-16 нүүр сонингоо уншигчдадаа хүргэж, улс эх орны өнцөг булан бүрт хүргэж байна.