Дорнод, Сүхбаатар, Дорноговь, Хэнтий, Төв, Говь-Сүмбэр аймгуудын 25 сумдын нутаг дэвсгэрт мал, амьтны гоц халдварт шүлхий өвчин гарснаас хойш өнөөдрийн байдлаар нийт 25 мянга 914 толгой мал өвчилсөнийг бүрэн устгасан байна.  Өнгөрсөн хоногт Хэнтий аймагт гурван толгой мал нэмж өвчилсөн байна.  

        

Улаанбаатар хотын есөн дүүрэг, зургаан аймгийн 71 сумын 6.783 сая толгой малыг вакцинжуулахаас өнөөдрийн байдлаар 6.293 сая толгой малыг вакцинжуулаад байгаа аж.  Дорноговь аймгийн /Их-Хэт, Өргөн/ 2 сумдын нутагт 19 толгой мал өвчилснийг устгаад байгаа бол Төв аймгийн /Баянжаргалан, Баян/ 2 сумдын нутагт 1011 толгой мал, Говь-Сүмбэр аймгийн Сүмбэр сумын нутагт 73 толгой мал өвчилснийг бүрэн устгалд оруулжээ.