МАН нь хууль ёсны дагуу УИХ-д суудалтай нам мөн эсэх талаар маргаан дэгдээд байгаа, энэ талаар Үндсэн хуулийн цэцийн гишүүдийн байр суурийг лавласан боловч Үндсэн хуулийн цэц нь шүүх эрх мэдлийн хүрээнд үйл ажиллагаа явуулдаг байгууллага учир энэ тухайд хариулт өгөх боломжгүй, хуулийн дагуу хориотой байдаг гэж татгалзсан юм.
Харин МАН-ын нийслэлийн намын хорооны дарга өчигдөр нийслэлийн Сонгинохайрхан дүүргийн иргэдийн төлөөлөгчдийн хурлын гишүүдтэй уулзалт хийсэн байна. Уг уулзалтад тус дүүргийн иргэдийн төлөөлөгчдийн хурлын төлөөлөгч буюу СХД-ийн МАХН-ын хорооны дарга Г.Бямбасүрэн оролцохоор очсон боловч дүүргийн МАН-ын хорооны хурал учир МАХН-ын төлөөлөгчийг хуралд оролцуулаагүй тухай Сонгинохайрхан дүүргийн МАХН-ын хорооны дарга Г.Бямбасүрэн мэдэгдсэн юм. Одоогоор МАХН-ын түр хорооны гишүүд хөдөө орон нутгаар иргэдтэй уулзалт хийж байгаа аж.