F1 2013 оноос “ногоон” хөдөлгүүртэй болно | News.MN

F1 2013 оноос “ногоон” хөдөлгүүртэй болно

Хуучирсан мэдээ: 2010.12.06-нд нийтлэгдсэн

F1 2013 оноос “ногоон” хөдөлгүүртэй болно

Мотор спортын хаан ангилал гэгддэг “Формула нэг”-ийн удирдлагууд 2013 оны улирлаас эхлэн уралдааны машинуудыг шинэ төрлийн “ногоон” буюу байгаль орчинд хорт нөлөө багатай хөдөлгүүртэй болгох талаар хэлэлцэж, тохирчээ. Ингэснээр “Формула нэг”-ийн төмөр хөлгүүд одоогийн 2,4 литрийн найман цилиндртэй хөдөлгүүрийн оронд 1,6 литрийн багтаамжтай дөрвөн цилиндртэй шатахууны хязгаарлалт болон эрчим хүч сэргээх систем бүхий турбо хөдөлгүүртэй болох гэнэ. Энэхүү шинэ дүрмийн өөрчлөлтийг “Формула нэг”-ийн удирдах байгууллага болох FIA  буюу Олон улсын автомашины холбооноос энэ сарын 10-нд батлах юм байна.

“Mercedes” болон “Ferrari” багууд саяхныг хүртэл энэ шийдвэрт дурамжхан хандаж буйгаа илэрхийлж байлаа. Тэдний үзэж буйгаар “Формула нэг” зардлаа хэмнэхээр хичээж буй энэ үед дээрх шийдвэр нь төдий л ач холбогдолгүй, чухал бус алхам гэнэ.

Түүнчлэн Ф1-ийн босс Берни Экклстоун дээрх дүрмийн өөрчлөлтийн эсрэг байр суурьтай байгаагаа илэрхийлсэн юм. Тэрбээр “Бидний хөдөлгүүрийн загвар томьёолол маш сайн. Яагаад заавал үүнийг солих ёстой гэж? Өчнөөн сая саяар нь мөнгө зарлагадаж, зөвхөн хэн нэгэнд илүү давуу тал олгох, хэний ч хүсэхгүй энэ зүйлийг яагаад хэрэгжүүлэх ёстой гэж” хэмээн ярьжээ.

Гэхдээ энэхүү өөрчлөлтийн талаар “Формула нэг”-ийн одоогийн хөдөлгүүр үйлдвэрлэгчдийн дунд болсон хэд хэдэн уулзалтаар хэлэлцэж, шийдвэрлэсэн байна.

С.Цэлмэг

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

www.freecall.mn 2010-12-06 202.170.67.217

Сайн байцгаана уу Манай Компани та бүхэнд дэлхийн 200 гаруй оронруу маш хямд
үнээр ярьж болох Freecall Картыг санал болгож байна холбоо барих утас 11350550

NewsMN Гар утасны хувилбар Татах
NEWS.mn

Мэдээллийн эх сурвалж