Гар утсыг зайнаас утасгүйгээр цэнэглэх, зүгээр ярьж байгаагаараа
цэнэглэх, эсвэл хэзээ ч цэнэглэх шаардлагагүй утас гээд ойрын ирээдүйд
биеллээ олох боломжтой янз бүрийн мэдээллүүд байдаг билээ. Тэгвэл үүн
дээр нэмээд бас нэгэн сонирхолтой хувилбарыг танилцуулъя.
Дээрх
зургаас та Nokia E-Cu маркийн гар утасны Concept art буюу загвар зургийг
харж байна. Уг гар утасны гол онцлог нь утсаа зүгээр л халаасандаа хийж
явахад л цэнэглэгдэнэ. Өөрөөр хэлбэл хүний биеийн дулаанаар
цэнэглэгдэнэ гэсэн үг. Зэс гадаргатай бөгөөд зэс нь дулааныг маш сайн
дамжуулдаг металл гэдгийг та мэдэх байх. Утасны дотоод их биед байрлах
термогенератор төхөөрөмж нь уг утсанд ирж буй дулааныг цахилгаан энерги
болгон хувиргадаг гэнэ. Заавал халаасандаа хийж явахгүй өөр ямар ч зүйл
дээр тавиад цэнэглэчихэж болно.
Энэ олон санаануудын аль нь түрүүлж амьдрал дээр биеллээ олохыг хэлж
мэдэхгүй юм. Ямар ч байсан удахгүй гар утасныхаа цэнэгийг дуусч байна
уу гэж санаа зовох шаардлагагүй л болох нь дээ.
Эх сурвалж: “Компьютер таймс”