Нийслэлийн Сонгинохайрхан дүүргийн VI хороонд нэг гэрт байсан есөн хүнийг хөнөөж, галдан шатаасан хэрэг энэ сарын 20-нд гарсан. Талийгаачдын  хэн  хэн болохыг тогтоож, ар гэрийнхэн, хамаатан саднаас нь тайлбар авч дуусчээ. Хэрэг гарах үед уг гэрт амьдардаг гэрийн эзэн эмэгтэй Б, түүний хоёр хүүхэд, хамтран амьдарч байсан Ш нар байж. Мөн талийгаач Б-ийн гэрээр орж гардаг  байсан найз гэх гурван хүн, тэдний нэгнийх нь охин Х нар ирсэн байжээ. Мөн гэрийн эзэгтэй Б-ийн  дүү Г тэнд байсан нь тогтоогдсон  аж. Аймшигт хэргийг үйлдсэн этгээдийг илрүүлэхээр ЦЕГ-ын Тэргүүн дэд дарга, бригадын генерал А.Дулаанжаргалаар ахлуулсан  ЭЦГ, УМБГ, тус дүүргийн Цагдаагийн хэлтсийн ажилтнуудаас бүрдсэн ажлын хэсэг ажиллаж байгаа ч гэмт этгээдийг саатуулаагүй байна.

С.Сүрэн