Дмитрий Медведев. Фото: ерөнхийлөгчийн хэвлэлийн алба
ОХУ-ын ерөнхийлөгч Дмитрий Медведев Америкийн дипломатуудын WikiLeaks сайтад тавигдсан захидлуудын талаар тайлбар хийжээ гэж РИА Новости мэдээлэв.
Оросын төрийн тэргүүн нууц мэдээлэл хэвлэлээр цацагдсан нь “АНУ-ын гадаад бодлогод байгаа дээрэнгүй бардам үнэлгээг харуулж байна” гэж хэлэв. Тэр мэдээлэлд Дмитрий Медведев ба Владимир Путиныг комиксийн баатрууд Робин, Бэтмен хоёртой зүйрлүүлсэн байв.

Хэвлэгдсэн баримтууд Орос-Америкийн харилцаанд нөлөөлөхгүй гэдгийг Медведев онцолсон байв. Түүний хэлснээр хэрэв хэвлэлд ОХУ-ын ГХЯ ба тусгай албадаас өгдөг үнэлгээг нь гаргасан бол америкчууд бас л их таашаал авах байсан биз хэмээн тэр хэлсэн байв.

Үүнээс өмнө Ларри Кингид Владимир Путин ярилцлага өгөхдөө Бэтмен, Робин нартай зүйрлэснийг нь ёс суртахуунгүй гэж нэрлээд тэр нь түүнийг мөн Медведевыг доромжилсон хэрэг гэсэн юм.

Америкийн дипломатуудын 250 мянган нууц шуудангийн материалыг WikiLeaks сайт арваннэгдүгээр сарын 28-нд нийтэлсэн билээ. Уг баримтуудад Чеченийн байдал, Москвагийн авлига, Орос Армянд нууцаар зэвсэг нийлүүлж байгаа тухай гарсан байлаа.