Мал аж ахуйн эрдэм шинжилгээний хүрээлэнгийн зөвлөх Г.Чадраабалын ахалсан эрдэмтэд Сэлэнгэ аймгийн Хонгор суманд ажиллаж байна. Тэд тус сумын нарийн, нарийвтар ноост хонины үржлийн аж ахуйд хонины үр хөврөл шилжүүлэн суулгах зохиомол хээлтүүлэг хийх ажлыг эхлүүлж одоогоор 200 гаруй үр хөврөл үйлдвэрлэж 20 гаруй хонинд үр хөврөл шилжүүлэн суулгажээ.

Мөн өмнө нь бэлтгэгдсэн бэлэн үрээр нарийн, нарийвтар ноост 670 гаруй хонинд зохиомол хээлтүүлэг хийсэн бол аймгийн хэмжээнд 206 үнээнд зохиомол хээлтүүлэг хийгээд байна гэж сумын засаг дарга Ч.Чүлтэмбат ярив. Энэхүү нарийн, нарийвтар ноост хонь нь Дархан Нэхий ХК-ийг анх байгуулахад нэхий дээл үйлдвэрлэхэд зориулан үржүүлж байсан түүхтэй аж.