Эдийн засгийн сэтгүүлзүйн шилдгийг шалгаруулна | News.MN

Эдийн засгийн сэтгүүлзүйн шилдгийг шалгаруулна

Хуучирсан мэдээ: 2010.12.03-нд нийтлэгдсэн

Эдийн засгийн сэтгүүлзүйн шилдгийг шалгаруулна

Монголын хэвлэлийн хүрээлэнгийн дэргэдэх Эдийн засагч сэтгүүлчдийн клуб эдийн засгийн шилдэг бүтээлийн уралдаан зарлалаа. Уралдаанд эдийн засгийн өсөлт, компанийн засаглал, банк санхүү гэх мэт зургаан сэдвээр дөрөвдүгээр сарын 15-наас арванхоёрдугаар сарын 15-ныг хүртэлх хугацаанд нийтэлж, нэвтрүүлсэн сэтгүүлчийн бүтээлийг шалгаруулна. Оролцогчид бүтээлээ энэ сарын 10-ны дотор Хэвлэлийн хүрээлэнгийн судалгааны албаны 310 тоот өрөөнд хүргэнэ.

Уралдааны нэгдүгээр байр 700 мянга, хоёрдугаар байр 500 мянга, гуравдугаар байр 300 мянган төгрөгийн шагналтай, сонин хэвлэл болон электрон мэдээллийн хэрэгслийн бүтээл тус бүрээр тодруулах гэнэ.

Эдийн засгийн сэтгүүлчдийн клуб нь Хэвлэлийн Хүрээлэнгийн дэргэд АНУ-ын Олон улсын хөгжлийн агентлаг, Нээлттэй нийгэм форум, Дэлхийн Банк зэрэг гадаад, дотоодын байгууллагын дэмжлэгтэйгээр байгуулагдсан. Тус клуб эдийн засгийн сэдвээр чанартай нийтлэл, нэвтрүүлэг бэлтгэхэд сэтгүүлчдийн ур чадварыг нэмэгдүүлж тэднийг мэргэшүүлэх зорилготой бөгөөд өдөр тутмын сонин,сэтгүүл, ТВ-ийн төлөөлөл бүхий 60 гаруй гишүүн сэтгүүлчийг хамруулаад байгаа юм.

Б.БЯМБАА

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

www.freecall.mn 2010-12-03 202.170.67.217

Сайн байцгаана уу
Манай Компани та бүхэнд дэлхийн 200 гаруй оронруу маш хямд үнээр ярьж болох Freecall Картыг санал болгож байна холбоо
барих утас 11350550

Avatar

www.terguun.net 2010-12-03 203.169.52.35

aguu s**

NewsMN Гар утасны хувилбар Татах
NEWS.mn

Мэдээллийн эх сурвалж