Үүлэн компьютерийн тухай сүүлийн үед нилээн яригдах болсон. Тэгвэл энэ
нь гар утас смартфонтой ч холбоотой бөгөөд үүний тоглоомын талын нэг
жишээг үзүүлье. World of Warcraft тоглоомыг HTC Desire смартфон дээр
тоглож байгаа бичлэгийг дараах Youtube линкээс үзээрэй.

Gamestring-ийн энэ үйлчилгээ нь одоогоор туршилтын alpha шатандаа
явж байгаа гэнэ. Onlive, Gaikai гэх мэтийн шууд компьютерээр тоглох
үйлчилгээнээс ялгаатай нь компьютерийн гараар, хулганаар удирддаг
тоглоомуудыг touchscreen-тэй смартфонуудад удирдлагыг нь оновчтой
тохируулах шаардлагатай. Ямар ч байсан серверээсээ 80км-ийн хол зайтай,
2Mbps upload/2Mbps download хурдтай интернэттэй үед Android үйлдлийн
системтэй HTC Desire смартфонд World of Warcraft хааяа гарах бага
зэргийн гацалтыг тооцохгүй бол зүгээр ажиллаж байсан гэнэ. Дөнгөж Alpha
шатандаа явж байгаа энэ үйлчилгээ цаашдаа их амжилттай байх нь мэдээж.
Харин монголд ийм төрлийн үйлчилгээ хэзээ гарах бол доо.