Европын дөрвөн том нисэх буудал хаагдсан байгаа ба бусад буудлуудад нислэгийн хэсгийг хойшлуулжээ. Ер бусын хүйтэн бөгөөд цастай цаг уур ойрын өдрүүдэд байраа тавихгүй. Цаг уурчид Европт Сибирийн хүйтэн урсгал орж ирлээ хэмээн тайлбарлаж байгаа юм. Энэ лхагва гаригаас Лондоны Гэтвик, Лионы Лион-Брон, Эдинбург ба Женевын нисэх буудлууд хаагджээ. Тэндхийн ажилтнууд нисэх зурвасын цасыг цэвэрлэх их ажилд гарсан байна.
Женевын нисэх буудал нь, Швейцарийн хоёр том ачаалалтай буудал өгөөд лхагва гаригийн үд дунд хүртэл хаагдсан байлаа. Одоо нислэгийн хэсгээ сэргээгээд байна. Гэтвикийн буудал цасны цэвэрлэгээнээс хамааран нээгдэнэ. Зорчигч нарт интернэтээр нислэгийн хуваарийг харж гэртээ байхыг зөвлөж байгаа аж. Эдинбургийн буудлыг пүрэв гаригийн орой хүртэл хаасан байв. Лондоны Станстед буудлын нислэгийн заримыг хойшлуулаад байна.
Нислэг бараг бүх буудалд тасалдаж байна
Цюрихийн нисэх буудал хэсэгчлэн хаагдсан байв. Энэ өдрүүдэд Цюрихт дэлхийн хөлбөмбөгийн удирдлага АНУ-ын ерөнхийлөгч асан Билл Клинтон ба Испанийн ерөнхий сайд Хосе Луис Сапатеро нар ирж байна. Хотод арванхоёрдугаар сарын 1-ний өдрөөс цас ихээр орж эхэлсэн юм. Нисэх буудалд цасанд дарагдаагүй сул орон зай бараг үлдсэнгүй.
Франкфуртын нисэх буудал 300 нислэгийг хойшлуулж буудалдаа 400 орыг зорчигч нарт тавьсан байв. Мюнхенд 170 нислэгийг хойшлуулсан ба пүрэв гаригийн үдээс хойш нислэг хэвийн байдалд орно гэж амласан байв.
Испанийн хойд хэсэг ба Герман Бельгид ч нислэг тасалдаж байна. Цасны улмаас Ла-Маншийн хонгилоор явах Eurostar галт тэрэгний хуваарьт өөрчлөлт орж эхэлжээ. Галт тэрэгнүүд 30 минутын хожигдолтойгоор замдаа гарч байна.
Сибирийн цаг уур
Өвлийн гэнэтийн дайралт европчуудад гайхал авчирлаа. Германчууд ийм цаг агаарын байдлыг бараг бүхий л амьдралдаа хараагүй хэмээн ярьцгааж байна. Британид ийм үзэгдэл хамгийн сүүлд 1993 онд байжээ. Цаг уурын энэ үзэгдэл тус орны эдийн засагт 1,2 тэрбум фунтын хохирлыг өдөрт учруулж байна гэж RSA Insurance Group тооцоолжээ. Их Британийн цаг уурын албаны төлөөлөгч Барри Грометтын хэлснээр Сибирийн хүйтэн уур амьсгалын эх сурвалжтай учраас Европт ийм хүйтэн байгаа ажээ.
Ш.Мягмар